2025 жылдың 9
сәуірінде «Экология және табиғатты пайдалану» білім беру бағдарламасын жаңарту
бойынша Жаратылыстану ғылымдары жоғары мектебінің Академиялық комитетінің
отырысы өтті. Жиынға Қазақстан Республикасы Экология және табиғи ресурстар
министрлігі Экологиялық реттеу және бақылау комитетінің бас сарапшысы Ағыбаева
Дана Жәнібекқызы, «ESG Trend» ЖШС басшысы Жұмаділова Айгүл Зұлхарнайқызы,
«Экосервис-С» ЖШС директоры Жансейіт Фархат, сондай-ақ қоршаған ортаны қорғау,
табиғатты пайдалану және тұрақты даму саласындағы мамандар қатысты.
Заманауи эколог
қандай білім мен тәжірибелік дағдыларға ие болуы керек, жұмыс берушілер жұмысқа
қабылдау кезінде түлектерді таңдаудың қандай критерийлерін пайдаланады,
сұранысқа ие және бәсекеге қабілетті мамандарды дайындау үшін білім беру
бағдарламасына қандай нақты өзгерістер енгізу қажет - осы сұрақтар университет
пен жұмыс берушілер арасындағы ашық диалогта талқыланып, болашақ түлектердің
құзыреттіліктеріне қойылатын талаптарды қайта нақтылауға мүмкіндік берді.
Жұмыс берушілер
практикаға бағытталған пәндерді күшейтіп, оқу үдерісіне кәсіби қызметтен нақты
жағдайлар мен практикалық тапсырмаларды енгізу қажеттігін атап өтті.
Бағдарламаға қоршаған ортаны басқару, тұрақты даму, ESG есеп беру, экологиялық
аудит, сандық экологиялық мониторинг құралдарымен байланысты пәндерді енгізу
ұсынылды.
Академиялық
комитеттер ғылым, білім және бизнес арасындағы байланысты нығайтудың тиімді
алаңы болып табылады, ең бастысы, олар еліміздің экология және тұрақты даму
саласындағы кәсіби кадрлық әлеуетін қалыптастыруда маңызды рөл атқарады.